بعد غياااب

باسم الله الرحمن الرحيم معليش بخلي الفصحى عني هنا ^^" طبعا بفضفض شوي وسامحوني لو كان الكلام شوي مو مفهوم ^^" <--- أهم شي أنا فاهمته :p هالسنه أنا ثالث ثانوي ! وبقى أسبوعين ونختبر أختبارات نهائية للفصل الأول وأنا تووووي أستوعب أني ثالث ثانوي ! طيب وش بعد الثانوي؟ لازم اشتغل ! وعشان أشتغل لازم قسم حلو ومطلوب بالجامعة.. وعشان أدخل الجامعة لازم نسبة تدخلي قسم ... وعشان أجيب النسبة لازم أشد حيلي .. إلى الآن كل شي أوكي !! شاده حيلي الحمد لله وباذن الله تتسهل علينا أمور القدرات والقياس ,, بس الطامه الكبرى أي قسم ادخل :s ? أنا عارفه وش الشغل الي أبيه بس محتاره بالاقسام أنا ودي أصير سكرتيره :$ <-- هذا الي يشوف مسلسلات وان ما حصل أبي ادرس (l)مره مره ودي أدرس :s مع أني أحس هالمهنه ماتوا الي يحبونها !!! في الأيام الي يطلبون منا معلماتنا نشرح دروس بدالهم " كنشاط" مره مره انبسط ,, وزميلاتي يفهمون علي وأنبسط لما أسألهم أنهم فهموا او لا ويقولون ايه بس وش أدرس ^^؟؟ يعني لو أبي أصير سكرتيره أوكي عرفنا القسم ,, بس لو أبي أصير معلمه ^^ وش أدخل !!؟ أنجليزي؟؟ لا ما أحب أشرحه >< عربي ؟؟ ما أحب العربي دين ؟؟ أحس صار فيه أكتفاااااااء معلمات دين ! تاريخ جغرافيا؟؟؟ أها بس ما يبيلها شرح ذولي :s طبعا ما رح أدخلهم وش فيه بعد أقسام للأدبي ؟؟ أفكر أدخل رياض أطفال (l) صح يمكن ما تتوفر لي وضيفه حلوه بس !!! حابه القسم علم نفس أحبه بس حسافه أدرسه ^^ ويمكن يكون فيه وضايف لو بتحمس واخذ الدكتوراه فيه بس أنا صراحه أكتشفت أني خوافه ^^,, فرنسي !! كل ما فكرت فيه يجيني شي يقولي أفلحي بالعربي بعدين أنطلقي للعربي ^^!!!!! اداره الأعمال يقولون بيخلونها علمي السنه الجايه !! يعني ما يمديني عليها!!! وش السواه ^^" وش رايكم انتم؟

آسفة على الإطالة + الأغلاط الإملائية